張叔平罕有現身電影謝票場 指美術剪接是創作無得教殿堂級美術大師張叔平甚少現身公眾場合，日前為擔任剪接顧問嘅電影，罕有現身戲院謝票場，跟導演鄒穎、攝影業紹麒、剪接黎冠東以及原創電影音樂袁敏聰與觀眾分享戲中幕後製作點滴。阿叔自言對所有同電影有關嘅事感興趣，佢以顧問身份協助剪接，亦係為咗傳承剪接徒弟黎冠東，阿叔話：「希望有多啲戲開，多啲工作機會，美術或剪接不是手藝，是創作，所以冇得教，要自己慢慢摸索。」阿叔指剪片係憑感覺去做：「我覺得需要用空鏡就會用，係即興同直覺，冇得解。這次想有一個warm的效果。」剪接師黎冠東話：「多謝阿叔畀機會，我睇吓自己能吸收幾多。阿叔感覺到就會叫我執行俾佢睇，我有時都估佢唔到。」今次鄧麗欣喺新作《紅豆》與魏浚笙再演姐弟，而任達華演糖水店師傅親自學炒豆，希望將紅豆人情味，由從前帶到現在。#張叔平 #罕有 #現身 #謝票場 #美術 #剪接 #手藝 #創作 #摸索 | TVB 娛樂新聞台 TVB Entertainment News